香港新浪網 MySinaBlog
« 上一篇 | 下一篇 »
Dozy.第一桶金 | 20th Apr 2016 | 一般, 財富@投資世界 | (3711 Reads)
茶客:「全民退保單嘢都唔知拗到幾時?」
老豆:「邊有得傾丫,政府擺明就係唔想俾。」
茶客:「咁政府又有道理,冇理由有錢都俾嘛。」
老豆:「梗係唔啱啦,就算有錢都應該要俾。」
茶客:「點解呢?有資產審查唔好咩?」
老豆:「有返工都有強積金,有強積金都有幾十萬資產…」
茶客:「係丫,咁咪過唔到資產審查囉。」
老豆:「咁咪唔啱囉,有返工都過唔到,乜嘢人過到丫?」
茶客:「冇返工嗰啲囉!」
老豆:「有返工就冇得俾,冇返工就有得俾,好唔公平!」
茶客:「又係喎,咁早知我都唔返工攞綜援啦!」
筆者:「老豆,今次又講得幾有道理喎。」
Picture
衣食住行樣樣都貴,退休確實唔係一件容易事。
老豆又真係講得幾有道理,通常後生有返工,有貢獻過社會的,都會供強積金,退休的時候,最少都有一百幾十萬,超晒額啦。咁即係話年輕時有努力工作的,反而冇得俾;年輕時沒有努力工作的,甚至是攞綜援的,因為冇收入,冇供強積金,可以順利通過審查,於是個個都有得俾,咁似乎就太唔公平啦。

要退休生活無憂,最好的方法都係有樓收租。
靠自己賺?靠自己儲?儲幾耐先夠呀?舉例你想退休之後每個月有2萬元,假設你55歲退休,有85歲命,換句話說你要儲起30年的生活費用,每個月3萬元,每年36萬元,30年就是900萬了。對於一般打工仔來說都是天文數字,仲要諗埋…萬一自己有90歲點算?唔通臨尾嗰幾年先去排公屋攞綜援咩?仲有…呢個世界是有通脹的,高鐵都超支啦,何況係你?大陸、日本、歐洲都印銀紙,頭先計到900萬,到你退休的時候就唔知900萬啦,隨時要1,800萬先埋到單,咁點追呀?

如果有樓收租,回報又唔錯的話,根本唔使擔心呢個問題。
首先,租金本身是物價指數之中一項重要的數據,因此是會跟隨物價調整的,可以高,亦可以低,到時如果午餐肉的價格升咗一倍,理論上租金都會升一倍,甚至更多。其次,層樓是你的,除非層樓冧咗,如果唔係都可以收租,就算200歲都唔使驚啦。筆者成日同朋友講笑話,就算要死,都記得收埋租先死,哈哈!

條數就咁計,通常我哋會話,有3層樓就夠了。
1間自己住,2間收租,假設每個單位租到12,000元,兩個單位加起來就有2萬多元了,因為本身有自住樓的關係,唔使交租,慳慳地應該夠洗啦。趁自己年青,工作能力強,盡早認識房地產,盡早搵個好幾會上車,然後再等機會,買多兩個單收租,俾咗首期後,
供樓的重任就交俾租客,到你退休的時候,應該已經供甩。

所以很多比較年長的同學,能夠以平常心看升跌。
今時今日政府咁多辣招,要買幾層樓已經冇以前咁易,賣咗層樓未必買得番,錢…要嚟做乜?隨時都會洗晒,又話者俾人用電話呃鬼埋,最緊要係個個月有租收,真真正正享受退休生活!所以他們的樓都是非賣品,跌?想鋤?第日退休你養佢咩?

★★ 1% 小本地產投資實戰。免費講座! ★★
★ 題目:住宅攻防戰!...趁跌市,執平貨,賺大錢!★

。筍盤湧現?...平兩、三成都有,今年唔買樓勢必後悔?
。調整幾多?...點鋤價?點撈底?買邊區、咩樓有潛力?
。有樓在手?...賣唔賣?點賣好價?一拆二?玩工商舖?
。仲未上車?...有何策略?買新樓定舊樓?借多定借少?
。投資者秘技!...揀爆升樓、增值、買賣秘技大公開!
講者:本人 - 1% Anthony!多謝支持
經濟一週專欄、暢銷書「上車又住又賺」、「樓轉命運」、「工商舖小本投資入門」等作者
日期:4 月 22 日(五)7~10pm  
地點:佐敦
留位:65330710-Cola、60980107-Icy(歡迎 Whatsapp)

About ME...
如果啱睇請加入 Facebook 群組「投資兵團」或讚好...
第一桶金專頁:www.facebook.com/anthony.wealth
第一桶金:http://anthony_chung_is.mysinablog.com

NEW!第一桶金信箱
如有關於物業的問題,歡迎到我的 Facebook,PM 給我!
1) 如果我識答,2) 如果不涉及太多課程內容,將盡量回覆。

免責聲明:本文純粹筆者個人意見,沒有促銷物業意圖。本人盡力確保資料正確,但不保證完全無誤,讀者須親身求證,參閱相關資料及售樓說明書,若有任何損失本人概不負責。


留言(4) | 引用(0) | 話題(地產)

[4]

容許我公道D講下:有人做12個鐘都係攞低工資,有人月入3萬,有人一星期搵10萬,有人搵唔到工攞失業綜援,有人唔搵工攞綜援,有人傷殘無人請攞綜援,香港有咁多種人,唔會有一個完美嘅退休保障可以同時照顧到咁多種人,另一方面,一個blog都唔會人人鍾意睇,我會平常心去對待一些不同意見嘅事。大家都係香港人,有人需要援助就去幫,有人有能力幫人就去做,世界好複雜,做人簡單一點會開心D!


[引用] | 作者 ip5 | 22nd Apr 2016 | [舉報垃圾留言]


這篇文章講的是如果有能力,就唔好等退休保障,買層樓收租好過。至於低收入人士,弱勢社群,當然應該有社會福利,有公屋、有綜援。真係唔明有乜衝突。

[引用版主回覆] | 作者 Dozy.第一桶金 | 27th Apr 2016

[3] 尊嚴

做人主要靠自己努力,享用福利當老馮,重大大聲,唔知羞。


[引用] | 作者 工友 | 21st Apr 2016 | [舉報垃圾留言]


這篇文章講的是如果有能力,就唔好等退休保障,買層樓收租好過。至於低收入人士,弱勢社群,當然應該有社會福利,有公屋、有綜援。真係唔明有乜衝突。

[引用版主回覆] | 作者 Dozy.第一桶金 | 27th Apr 2016

[2] Re: KLM
KLM :
得罪講句,睇你標題,真係好正好有道理,不過諗深一層,你是想叫人不問價買樓,這才是你關心的...

雖然不是人人買得起樓,但你都話住在公屋,就算沒收息不買樓,交富戶租金,也不會餓死。那麼要退休保障就是多餘了!有公屋的話!

有很多低收入,現在有最低工資下,有一萬一個月都可以叫底收入,已經可以高過我在英國打工拿6.5英鎊的最低工資,還要扣稅只有5.2英鎊一小時,一星期只可做40小時。
因為香港低稅制,所以英國打工收入可以少過在香港中學畢業出來工作打雜的人。所以你說有很多低收入,他是失業(都可以是你寧不找工的人)還是開工不足呢?

沒積蓄的人,一生人幾十年工作都沒積蓄?是一世都玩失業?難道他是月光族?

你要長遠退休保障計畫,你又願不願意衣食住行收扣你+20%稅呢?如果你交+20%稅給玩失業、月光族或雙非來香港養老的人的話,那又不錯啊!

說話多多得罪對不起!我只是有感而發!

團體
[引用] | 作者 團體 | 20th Apr 2016 | [舉報垃圾留言]


多謝捧場!
每篇文章都有自己的論點。這篇文章是給有能力買樓的人看,既然有能力,就唔好等退休保障,買層樓收租好過。至於低收入人士,弱勢社群,當然應該有社會福利,有公屋、有綜援,保障他們的基本生活需要。

[引用版主回覆] | 作者 Dozy.第一桶金 | 27th Apr 2016

[1]

得罪講句,睇你標題,真係好正好有道理,不過諗深一層,你是想叫人不問價買樓,這才是你關心的,至於退休點過,你懂個屁,有錢買樓,而且不只一個單位的人,還需要你指指點點?我有幾百萬,住在公屋,就算不收息不買樓,交富戶租金,也不會餓死。好心拿點良知出來,有很多低收入、沒積蓄的人(這情況不一定是不夠努力,不懂理財的結果),需要政府有一個長遠退休保障計畫去幫助的。當初也喜歡看你的文,但慢慢地,變到愈來愈有問題,反省一下啦。


[引用] | 作者 KLM | 20th Apr 2016 | [舉報垃圾留言]


KLM 兄,看來你其實沒看我的文章!
我的網友都知道,我不是地產代理,不會叫人不問價買樓。我的網友都知道,去年樓價高,我就高呼要小心高溢價樓。我的網友都知道,我強調要計現金流,租金收入高於供款。本人不介意不同意見,但希望是客觀評論,不是無中生有。

[引用版主回覆] | 作者 Dozy.第一桶金 | 27th Apr 2016